Этүгэн их сургуулийн “Цахим эрүүл мэндийн төв” байгуулах, хамтран ажиллах санамж бичигт гарын үсэг зурах ёслолын үйл ажиллагааг 2026 оны 5 дугаар сарын 20-ны өдөр Student HUB-д зохион байгууллаа.
Товч мэдээлэл
- Огноо
- 2026-05-20
- Байршил
- Этүгэн их сургуулийн Student HUB
- Түншүүд
- SNU, Этүгэн их сургууль
- Төрөл
- Санамж бичиг
Тус санамж бичигт БНСУ-ын Сөүлийн Үндэсний их сургуулийг төлөөлөн тус сургуулийн профессор Kim Hong-Gee, Этүгэн их сургуулийг төлөөлөн тус сургуулийн ректор, доктор, профессор Б.Батсэрээдэнэ нар гарын үсэг зурж хамтын ажиллагаагаа баталгаажуулав. Ёслолын үйл ажиллагааг анагаахын оюутан А.Одбаяр морин хуурын аялгуугаар ёслол төгөлдөр эхлүүлэв.
Гарын үсэг зурсан
Сөүлийн Үндэсний Их Сургуульпрофессор Kim Hong-Gee
Этүгэн их сургуульректор, доктор, профессор Б.Батсэрээдэнэ
Хүндэт зочид, оролцогчид
Хүндэт зочид
- Kim Hong-GeeБНСУ-ын Сөүлийн Үндэсний их сургуулийн профессор
- Б.БаярбаатарСөүлийн Үндэсний их сургууль, Этүгэн их сургуулийн “Цахим эрүүл мэндийн төв”-ийн захирал, БНСУ-ын Самсунг корпорацийн эмнэлгийн дижитал эрүүл мэндийн эрдэмтэн, Этүгэн их сургуулийн Хүний их эмчийн 2015 оны төгсөгч
- Ч.БатааНҮБ-ын Хүүхдийн Сан (UNICEF) Монгол
Этүгэн их сургууль
- С.НямзагдҮүсгэн байгуулагч, Удирдах зөвлөлийн дарга, академич
- Б.БатсэрээдэнэРектор, доктор, профессор
- Ц.МөнгөнцэцэгСургалт эрхэлсэн дэд захирал, дэд профессор
- Б.НасанбаярЭрдэм шинжилгээ, инновац, гадаад харилцаа эрхэлсэн дэд захирал, доктор, дэд профессор
- Н.БадамсүрэнНийгэм, эдийн засаг хөгжил эрхэлсэн дэд захирал
Мөн бүрэлдэхүүн сургуулиудын захирал, тэнхимүүдийн эрхлэгч нар болон оюутнуудын төлөөлөл гарын үсэг зурах үйл ажиллагаанд оролцов.
Зочид төлөөлөгчидтэй уулзалт хийх үеэр Этүгэн их сургуулийн үүсгэн байгуулагч С.Нямзагд танилцуулга хийж, санал солилцлоо.
Төвийн танилцуулга
Ёслолын үйл ажиллагааны үеэр Сөүлийн Үндэсний их сургууль, Этүгэн их сургуулийн “Цахим эрүүл мэндийн төв”-ийн захирал Б.Баярбаатар тус төвийн талаар танилцуулга мэдээлэл хүргэв.
Энэхүү төв байгуулагдсанаар хиймэл оюунд суурилсан дүрс оношилгоо болон цахим эрүүл мэндийн дэвшлийг Монголын анагаах ухааны салбарт нутагшуулах, улмаар оюутнууд маань олон улсын түвшний судалгаа, эрдэм шинжилгээний ажилд суралцах, чадварлаг боловсон хүчин болон бэлтгэгдэх зэрэг олон боломжуудыг бүрдүүлэх юм.
Хүндэт зочдын үг
Мөн хүндэт зочин БНСУ-ын Сөүлийн Үндэсний их сургуулийн профессор Kim Hong-Gee, НҮБ-ын Хүүхдийн Сангийн (UNICEF) Монгол дахь төлөөлөл Ч.Батаа нар үг хэлэв.
Хоёр улсын нэр хүндтэй сургуулиудын энэхүү түншлэл нь эрүүл мэндийн цахим шилжилтийг хурдасгаад зогсохгүй, хүүхэд залуус, нийгмийн эрүүл мэндийг хамгаалах, технологид суурилсан хүртээмжтэй тусламж үйлчилгээг хөгжүүлэхэд чухал ач холбогдолтой.
Тус сургуулийн ректор, доктор, профессор Б.Батсэрээдэнэ хүндэт зочид, төлөөлөгчид болон нийт оролцогчдод хандан цахим эрүүл мэндийн төвийн талаар үг хэлэв.
Манай сургуулийн хувьд гадаад хамтын ажиллагааг өргөжүүлэх, тэр дундаа дэлхийн шилдэг Сөүлийн Үндэсний Их Сургуультай хамтран цахим эрүүл мэндийн төвийн үйл ажиллагааг нээсэн нь түүхэн үйл явдал боллоо. Төвийн үйл ажиллагааг хамтын ажиллагааны хүрээнд дэмжин ажиллах болно. Та бүхэн энэхүү түүхийн гэрчээр оролцож байгаад баяртай байна.
Төвийн зорилго
Энэхүү төв нь цахим эрүүл мэнд, анагаах ухаан дахь хиймэл оюун, эрүүл мэндийн өгөгдлийн шинжлэх ухааны чиглэлээр салбар дундын судалгаа, боловсрол, инновацыг хөгжүүлэх, хамтарсан төсөл хөтөлбөр хэрэгжүүлэх, эрдэм шинжилгээний хамтын ажиллагааг өргөжүүлэхэд чиглэн үйл ажиллагаа явуулах зорилготой.
Ёслолын үеэр зочид, багш ажилтнууд · Этүгэн Их Сургуульд болсон төлөөлөгчдийн уулзалт · СИС ба Этүгэний төлөөлөгчдийн хамтарсан зураг
